Intwazana yezikhazikhazi

Hay ntwazana inene uxakekil' ezitratweni ngomabhanyabhanya
Inene umzi wakuthi ungufunga umagqabi azel' imbali zeli lizwe.

Intwazana inyuk' isihla
okwamaza olwandle intle kway' igqamile uyibona isathe qelele ngokhazimla
Hay inene ntwazana umbulelo kiwe uchasele  okwe thamsanqa egezeni uqantsele ntombi.

Umama unyuka esihla
Kulamalanga ebil'esoma ethengis' amanqina ezikolweni nasezitratweni
Ezamela wena impilo engcono ntwazana kodwa dololo ukumbulela ngempumelelo.

Awuphaph' uqatsel' ezitratweni ubuzwa nge slay queen nasemdantsweni kaloku wena uyintombi yomdantso eMdantsane ntokazi.

Namhlanje abanye bavuna ebebekulimile wena uvun' abantwana isisu emvakwesinye awuzali negama lakho likushiyile uphenduke uzaliswa haybo! ntwazana isazel' asikudli?

Imali kanozala yamanqina iphelela kwizinongo neziqolo zomzimba utywala obubizayo obufana noHennessy, hay utshatshe okwentshatsheli nomdade yini mntase.

Umama akasalali ebusuku ukroba ngokroba efestileni slay queen awuveli
Iizikhalo zitshonjalo nentsholo umama akatholi kuphumla ihigh blood imongamele.

Umbulelo kunozala omnika wona zizantyalantyala zenyembezi ezehla ebusweni
Oh! Wasenza iskhukhukazi slay queen ntwazana.

Kanti ukuzala kwayeka
ukuba kuzolulana mzi wakwaXhosa?
Abazali basishiya phambi kwexesha ngenxa yezenzo zethu
Oh! tshintsha slay queen.

By Bulelani Happyboy Mbanya

As I walk with a confidence in the street
Full of human being
Moving up and down
Like ants making their own marching to Zion
in summer season.

I went through a street fully loaded with woman
So well docorated and blossoming like flowered trees in spring time
In sensational springtime
I felt so uncomfortable
In a manner that I could even feel my walks changing into another diagonal dimension.

Never mention how I felt
The walk of a lonely man around woman with such beauty and well decorated faces with make ups and puffs.

Saw woman staring at me
As I walk passed them on the street
I could feel from distance the stranger eyes undress myself and do the unattainable and acceptable action on my body as I feel so weak.

Strange feeling occurred up until I ended up in other street looking for toilets to release the pee
Due uncomfortability I felt on the street I walked on filled with woman.

I endured that and tell myself not to go through in situation where I couldn't feel so weak and strangely tempted to something else of a strange time in that central dimension.

Oh! The strangest feeling
made me feel so weak and left me naked minded like jackal running out of plan
in between scavenging dogs if not stray dogs on the wonderland my friend.

By Bulelani Happyboy Mbanya

Nomalanga

Laphuma ilanga
Kwavela ilanga evelalanga,
Wavel' uNomalanga kwaLanga emalangeni
Uvela empumakoli.

Uvela ngase mpumakoloni, usingisel'entshonakoloni
Endleleni udibana nabamhlophe nabamnyama
Ubatshisa ngokulingana
Kodwa kushiyana ukujika  kwebala.

Kaloku uNomalanga akanamkhethe, yiyo lonto engakhethi uyandiva Khethi?
Kaloku mna ndikhethile
Ndikhethe wena Khethi
Uyandiva na bethu?

Uqaqambile mqaqambisi
Mshushubezi wesizwe
Kaloku wena ukhanyisela
Lonke ihlabathi, oh khanya gqiyazana
Sabanomntwana samphi gama Khanyisa
Oh! Lasikhanyisela igqiyazana elinelizwi elicosololo nje.

Langa noNomalanga ndim nawe silamalanga
Malanga njalo nje
Malanga oh! Atshon'amalanga
Atshon'amalanga
Unganditsheli ukuthi uNomalanga uswelekile
Xa kufika ubusuku noNomasuku.

By Bulelani Happy Mbanya

Uqhamisa

Kuvele kuqaqambile intliziyo
Xa ndimbona eqaqadekisa abanye abantwan uQhamisa
Kaloku ukuqaqDeka ndikuchasile okwezichasanisi.

Ubuqwebedu abufundelwa sikolweni,
Kwaye abufundwa ncwadini mfondini
Kuqaqadeka othandayo
Kusal' ozikhethelayo dadewethu.

Ndiqaqanjelwa yintliziyo
Xandimbona engumqwebedu uQhamisa
Kaloku abazali bakhe ndiyabazi bamondlile ngembeko
Imbeko ibikukutya kwemihla ngemihla
okwesonka semihla ngemihla sisihla emqaleni ndisibimbiliza
okommbimbilizi.

Kaloku iqaqa limibala mibini
Kukukhanya nobumnyama andithethi simnyama mfondini
Kaloku indlela zimbini
Ndithi kheth'eyakho mfosi kabawo.

Ndimabalabala entliziyweni yam ndenziwa kukukruneka kweyam intliziyo kukuqaqadeka kwenzwakazi emanzandonga ebendingalindelanga ukuyibona iqaqambisa eyam intliziyo mntakwethu
Oh! yakruneka intliziyo
Ndasala ndibambe ongezantsi oku kukamazantsana ematasatasa emdantsweni eMdantsane mfondini.

Yaqaqamba eyam intliziyo
Yaqaqamba intliziyo yam
Ndasala ndibuthathaka okwethole loMthwakazi eMthwakazi
Ndiqaqanjelwa yintliziyo
Ndiqaqanjelwa ngaphakathi imiphakathini iphaphuzel' amaphaphu azal' ubumdaka kukuqaqadeka kwenzwakazi endiyithemba ukodlula noThemba uMtherwana.

By Bulelani Happyboy Mbanya

Thatha nas' isandla sam
Ungadlali ngale yam intliziyo
Kaloku eyam intliziyo ibaleka igazi iimithambo impompoz' igazi
Uze ungayophuli eyam intliziyo ntokazi.

Ndithi wena ntokazi olwam ubambo nguwe
Kaloku ndikubambe ngesam isandla sasekunene ndathi, thatha naluthando lwam
Uze ungayophuli eyam intliziyo ntokazi.

Ndivela kude ungabuza noSukude umkhuluwa kaSukoluhle wakulo Okuhle umninawekazi kaPhiwokuhle
Kaloku ndinothando ndingathanda ukuthandwa ndiyintandane nasekhaya.

Oh! ntokazi xa ndingenakuthandwa nguwe ndothandwa ngubanina?
Uzeke undibambe sibambisane ngothando
Kaloku mna nawe sizizithandani koluthando.

Ndithi thatha nasi esam isandla
Ze ungadlali ngeyam intliziyo nzwakazi
Ndokwenjenjalo ukukuthanda ngonaphakade emaphakadeni.

By Bulelani Happyboy Mbanya

Ubuhle bekhiwane zimpethu

Ubuhle balo lona, zimpethu
Kaloku ikhiwane lingalihle ngaphandle nangobulona ngokombono mbonono.

Uze ungalijongi ulibone buhle ngobume balo
ungaliphicothanga ngaphakathi nolonaqobo lwalo
Lingakhazimla ubuhle ngaphandle kanti ngaphakathi kuzel' imbethu
Ubuhle balo lona zimpethu.

Xa umbona zibuze mibuzwana ithile
Ingaba ukubonile yena?
Umbonile kakuhle wena?
Ingaba nibonene?
Kaloku ubuhle balo lona zimpethu.

Ikhiwane lingalihle ngobume, kanti kwalona elokhiwane alikulungelanga ukuthatyathwa ngumthabathi makhiwane
Kaloku ndithe kuwe,
Ubuhle bekhiwane zimpethu.

Ngaphakathi kulapho ubuhle bukhoyo
Angatsho nondikhoyo kwezezibhalo ezingcwele izibhalo kwincwadi emlonyazana ubomvu
Ubuhle bekhiwane zimpethu.

By Bulelani Happyboy Mbanya

Word processor

I am a word constructer
A word developer
Word purifier
Word multiplier
Word magnifier
With fire words in kingdom fire.

I am writing non stop
Without a full stop as my words pumping it up
Writing with bold words of human dimensions
Never mentioning human sizzling drizzling attractions.
I am the word processor
Professor of unspoken words
The word chewer.

I eliminate all the depression and objection of unspoken words subject in my people's sightseeing site by site
And side by side
Mmhmm! Thee word processor.

These words are heavenly sent to elimanate the life threatening events in human lives in days of our lives.
I am the word processor.

By Bulelani Happyboy Mbanya

Ndithabatha olwam usiba nencwadi
Ndibhodle amazwi anencasa, amazwi angakhethi mntu kuba kaloku wona awanamkhethe kwaye awakhe bani.

Amazwi lawo amel'abangenazwi livakalayo kaloku elam ilizwi libukhali livakala naphesheya kweNciba
Ndisinde neNcibaza zaku Nciba phesheya pha qelele komfula.

Ndizibonile iziganeko nezehlo kubantu ngabantu
Kumakhaya ngamakhaya
Ndingomnye wababethekileyo ndibethekile emhlabeni omagadahlabayo
Bendide ndinqwenele nesembovane isihlunu xandibona omnyumntwana ehleza amathambo ehlafuna kamnandi nesihlunu
Kalok kum inyama ibiyinqaba ngonqaba okweqanda lesikhwenene mfondini.

Ndith' ekubetgekeni ndaqiqa emqondweni ndaqonda engqondweni ndaqina emzimbeni
Ndingaliva nemeva ilahle ndilicima ngesandla esandleni.

Ubunzima nenzingo zaziwa ndim angeke ndikugqithe ulambile endleleni unxaniwe enxiweni lamanxiwa obawo uXinwa mfondini.

By Bulelani Happyboy Mbanya

Ndithelekiseni

Ndithelekiseni ndithelekiseni
Ndithelekiseni
Kaloku andibonqeni kwaye andiboyiki oh! watsho umfana woMsuthu.

Ndizotyhala mgesifuba
Ndihambelaphezulu kaloku igwala andililo
Ndingena ngenkani kwantliziyo ndise
Ndithelekiseni andoyiki
Ndithelekiseni andibonqeni.

Kakolu elam ithemba ayingoThemba ntonje lithemba lamathemba
Themba elo liphezulu
Themba lam undikhoyo
Ummeli wam
Ndithelekiseni andoyiki.

Kaloku elam ithemba alijiki, elam ithemba alikhethi
Namhlanje ndisamile kuba kaloku elam ithemba likho ngamaxesha onke.

Baninzi bazamile ukundibhukuqa bazamile ukundiwisa kodwa abalunga
kaloku ezam iingcambu zifana nomthi omiliselwe phezukwemijelo yamzi
Ndithelekiseni ndithelekiseni andibonqeni.

Ndingumntwana wokuthula noxolo
Ndiphila nentombiyoxolo
UNoxolo wakulo Ntomboxolo
Ndimlomo umaxolo kukukhotha eyam imilebe
Ndithelekiseni andibonqeni kwaye andiboyiki
Ndithelekiseni.

By Bulelani Happyboy Mbanya

Ndibanjwe yimvula

Ndibanjwe yimvula
Ndibanjwe yimvula
Andikwazi nokushukuma
Ndingaphakathi kwemirhaji yam yeragi
Ndicinga emsebenzini
Kodwa ke andikwazi ukuphangela yile mvula.

Kaloku ezalemvula izandla, aziphunculi
Azikhonyubululu mpunyululu
Zikubamba okwe gqakra lempukwana nempukwazana zibanjw' emngxunyweni
Ndibanjwe yimvula.

Ndibangaphosa amehlo efestileni phesheya kwesitiya sikabawo ndonwabe kaloku ziyaqhama iziqhamo zikaNoziqhamo
Noxa ndingaphangelanga ndibanjwe yimvula.

Udaka lunyumpanyumpa
Xavuxavu okwehagu igxavuza udaka kwindlwana yayo
Iyagxigxiza iyana madoda
Ndibanjwe yiyo
Ndibanjwe yilemvula.

Andizenzanga kaloku
Ndenziwa yilemvula mlungwam
Uze ungaxhalabi gxagxa
Ndibanjwe yimvula.

By Bulelani Happyboy Mbanya

Ilolo

Ndililolo ulolo umalolwana
Kaloku ndenziwe andizenzanga
Bayamenza umntu abantu
Ndililolo into engenabani.

Ndenziwe ngomnye umntu
Kaloku mna ndiphila nabantu ngegcuncwana endinalo
Ndiqhekezela ongananto
Kodwa abantu ababoni ngasonye ngezenzo zam
Andilindeli mbuyekezo yakundibuyisela
Kodwa namhlanje ndisele ndodwa, ndililolo.

Kaloku lento ingumntu
ngumntu ngabantu
Ndizama indlela yokuphila ndiphilisana nabantu bakuthi
Kodwa namhlanje andinabani, ndililolo into engenabani.

Izihlobo zindijikele
Abantu ebendibethemba bandijikele nabo
Ndisele ndodwa enyanyeni
Ndililolo into engenabani.

Zikhal' ibhungani ezam ikhabhathi
Ikomityi yam yomile
Inyawo zam zimil' ilingcambu kukuba ndawonye noxa singaboni sonye nakwelityeli
Oh! Ndililolo into leyo engenabani.

Ndiyazama akuzameki
Ndashiywa nanguNozamile
Inzolo ayisekho nakuManzolo ebunzimeni
Ndililolo into engenabani.

By Bulelani Happyboy Mbanya

Umtu kaloku sisi wam nawe bhuti wam
Yinzulu yemfihlakalo
Inzulu yezimanga ngezimanga
Ndithi wofik' inyukisehla okwamanzi olwandle.

Nzulu leyo imxutywa
Nzulu leyo yonakalisayo
Nzulu leyo ichithayo
Nzulu leyo ixabanisayo
Nzulu leyo inyolukileyo
Nzulu leyo ikhazimlayo
Nzulu leyo ingenasizi
Nzulu leyo yatya inkawu ilila icel' amaxolo kwasal' ufele namathambo.

Inzulu engenabuntu
Inzulu yenzulu zobumnyama zobusuku
Inzulu enentliziyo yenkcenkce ekhencezayo
Kaloku lenzulu imabalabala, ngumntu ke lowo.

Inzulu ebulala omnye umntu ngendlela ngendlela
Ngamazwi, ngezenzo, ngempatho, ngolwamvila lolwimi, ngokusebenzisa kwaye nangokuthabatha umphefumlo womnye umntu.
Lonto yile ingumntu.

Umntu ayisengomntu ngabantu
Umntu akasenabuntu njengakudala madala
Oh! wakhala umadala
Ekhaliswa zizenzo zomntu esenza abantu
Inene umntu'  uyamenza omnye umntu ngezenzo zobubi
Oh wandenz' umntu kwelilizwe, wendenza mntu ndini.

By Bulelani Happyboy Mbanya