Ndigalelekile

Andifikanga ndigalelekile ntwazana, okwamanzi olwandle ephokozeleka embodleleni kwaMdletye umfundisi ku Zalo noxa singazalani mfondini.

Andithandi zizalano zemiqwebedu eqaqadekileyo kaloku mfondini.
Ndiyilendoda ukumila kunje hayi egeza emlanjeni andithethi umlanjana uyaqonda phofu maphula mthetho?

Ndilelikapondo izambane, andibolisi ngxowa ndichumis' iziqhamo oku kukaNoziqhamo intwazana eqhama iqhamise kwande mfondini.

Kaloku iqaqa ndilisezela liseza qelele eqaqeni ngokunuka andithethi mabala nditso ivumba lalo mfondini.

Wenu valimpumlo kuxakana nevumba ndibe mna ndimelephezulu ovumba lisitsho emaqatheni, ndiliqeda ngesiqede igaqana le lesqede mfondini.

Ndimqabaqaba okwelevinika igqabi andiweli kude kunozala umthi ondizalayo mfondini.

Oh! Ndokhahlela kukhohlele amagatyana kuGatyana kulengqele yaseNgqeleni mfondini.
Ndim unkqo ngeveji hayi nge ziqhamo zefruthi mfondini.

Andifikanga ndigalelekile kwaMdletye, andifikanga ndigalelekile,
Galela mfondini.

By Bulelani Happyboy Andile Mbanya