Kumaxesha ambi, ndiziva ngathi akwabe ndandingalimanga noxa sekwabekile okwenziwe selekufana nokudaliweyo
Kumaxesh' Anje ndiziva ndibuthathaka nkosi.

Kaloku ndenziwa kukungazi
Yiyo lonto ndivakala ndisithi,
Akwaba ndandazile ngoku ngekungenje.

Isicukujeje ezimachokochoko zidala ubunyophonyopho bayalophoza oomalebebelebe belebezisa imilebe iikomityi zabo zeti, zizelububi abenzi bobubi
Akwabe ndandazile ngekungenje kuloNongenje.

Kodwa nam nkosi ndenziwa kungazi kuba ndiseze kanye nkosi
Kaloku ndilundwendwe emhlabeni ndihambele
Ndizawushiya lomhlaba
Oh! akwaba ndandazile.

Namhlanje eyama intliziyo izel' amahlwili nezijwili nje jwi
Kaloku ndiyakhafulelwa
Oh! hayi inene ndiyadelelwa kuba kaloku banxibe idelela.
Hayi akwabe ndandazile.

Kodwa me akusenani
Kaloku emhlabeni kunje asazi kunjani emazulwini
Konke esikunqwenelayo komnye nomnye bububi
Oh! akwaba ndandazile.

By Bulelani Happyboy Mbanya