Nyawo zam ndithwale

Ndithwale undise phesheya
ngaphesheya apho
ndakuthi ndifumane ukuthula.
Phesheya kweNciba
basale benyiba.
Ndithwale nyawo zam.

Bayandinyibela
abanyibeli,
ngeminwe emide
ngemilomo ukupepeza
abapepeshi ukupapasha
bexel' amapephandaba
Oh khandithwale nyawo zam.

Umntwan' oMsuthu bamenzile
Udubase ukumtyibela.
Ewe ndizindaba kwesisithili
sase Smutsville ngokwenziwa.
Ngenyawo ndiyanyawuka
ndicothoza ukunyathela.
Ndithwale nyawo zam
Ndithwale nto yakuthi.

Ewe ndahlukile
ndigqamile
emadlelweni ezitiya
zodlame nobudlobongela
isono sam kukulunga
nokuthanda abantu
Nyawo zam ndithwale

Sekwanele
watsho no  Ringo Madlingozi
imvumi evunyiweyo
yaseMzantsi Afrika.
Ndanele kukumamela
nokunyamezela into engenasiphelo.
Yiiyo lonto ndisithi,
Ndithwale nyawo zam
Ndithwale.

By Bulelani Happy Mbanya