Friday, April 27, 2018

uXabisa undiphoxile

Inene ndithi kuwe
Undiphoxile xabisa
Uxabis' utywala
Ne sitalato ntwazana
Oh! Hay Xabisa
Ngawe inene ndixwayisiwe.

Akaxok' uzangecala uXabisa mfondini.
Undishiy' ebhedini
Ayemdanisweni uXabisa
Inene undixakale

Andifuni noxabana
Kaloku ubunene bam
Bobelungisa yiyolonto
Ndilungisa uXabisa
Hayi! Undixakile ntwazana
Andisakwazi nokuzama
Ukuthethisa kuba ndoyika ukrunek' intliziyo
Malume nawe malumekazi mthethiseni
Hayi! undixakile uXabisa
Kulendlu ndingumfanekiso
Kumabonakude kuXabisa umfazi undongamele.

Andisakwazi nokulala
inyembezi zizel' umqamelelo ubumanzi
Hayi! Xabisa undixakile.
Inene undahlule ntokazi

Oh! Hayi ukungazi
Akwaba ndandilindile
Kodwa akusizi ukukhala ngoku ndibonile.
Emtshatweni ndifundile
Ekufundeni ndizuzile
Inzuzo ekrakra ishiy' umlomo usinek' ebusweni bubukrakra.
Hayi! Xabisa undahlule
Ntwazana ndizamile
Kwakhal' umkhuluwa wam uZamile zizinto
Endenza zona sisi.
Inene undiphoxile.

By Bulelani Happyboy Mbanya

No comments:

Post a Comment