Uthando

Thando ndini
Silumiso somzi ozel'umnandi
Sinongo sezimunamuna
Ntozimnandi zakuloNomndani
Nditsho wena Thando

Bayabhekabheka
Abathandanayo
Bayanyumbazazana
Bubuncili novuyo
Abamanyane ngawe
Wena ntondini edibanis'ababini
Owesidoda nowasetyhini
Nditsho wena Thando

Hayi ubuhle bakho
Obuzel'amachiza ukuphilisa
Ezontliziyo bezaphukile
Zimaxhib'amxhaka ukuzinza
Hayi uthando lomz'ontsundu
Nditsho wena Thando.

Mna ndilungcamlile
Ndalophula okomaph'ekesophula
Kwisizwe sakwaxhosa mfondini hayi ukulivavanya
Oko vavanyo eskolweni
Nditsho wena Thando

Namhlanje ndiyathanda
Ndiyathandwa
Hayi siyathandana mfondini
Ubumnandi bothando
Bundithathile ndathabatheka
Bubukhazikhazi
Nobuhle balo mfondini
Nditsho uthanda
Lokwenene hayi indlalo
Sizwe sakuthi sikaphalo

Uthando lundithimbile
Nditsho nje ndithimbekile
Ndathiywa gama elingu Thembekekile
Thando unzima mfondini
Nditsho wena Thando.

Namhlanje owakwam nguThandiwe.
Umthimbile entliziyweni
Ndaziva ndidandathekile
Bubunzima nobukhulu
Bothando lwethu.

Wena Thando unzima
Wena Thando uyamangalisa
Wamangalisa intliziyo yam.
Nditsho wena Thando
Wakulo  Othandwayo
Kothandiweyo nmthandolwethu.

Bulelani Happyboy pogba Mbanya